AI Product Manager
بشتغل في إدارة وتطوير المنتجات الرقمية بقالي أكتر من 5 سنين، وخصوصًا منصات الـ SaaS وحلول الشركات. بركز على فهم احتياجات العملاء، وتحديد الأولويات، وتحويل المتطلبات لحلول قابلة للتنفيذ والاستخدام.
اشتغلت على منتجات في مجالات مختلفة، من أنظمة إدارة الأعمال والتعليم الإلكتروني، لحد منصات تجربة الموظفين والمنتجات اللي بتستخدم الذكاء الاصطناعي.
بدأت مهندس في أدوار تقنية، وبعدين انتقلت لإدارة المنتجات وبقيت أقرب للعملاء والبزنس. الحكاية تحت على أربع فصول.
أنا حاتم الفنجري، خريج كلية الهندسة بجامعة الإسكندرية.
بدأت حياتي المهنية في أدوار تقنية، وده ساعدني أفهم طريقة بناء الأنظمة والتحديات اللي بتقابل فرق التطوير. لحد النهارده، ده بيخليني أتكلم مع الـ Developers بلغتهم، وأعرف إمتى الطلب سهل وإمتى وراه شغل كتير.
بعد كده انتقلت لإدارة المنتجات، وكانت AccFlex من أول تجاربي. اشتغلت فيها على أنظمة برمجية بتساعد الشركات في إدارة عملياتها.
التجربة دي ساعدتني أبني أساس قوي في التعامل مع متطلبات البزنس، وتنظيم شغل فرق التطوير، وتحويل الاحتياجات لخصائص قابلة للتنفيذ.
AccFlexBusiness Software
Product Owner
في Elham اشتغلت على تطوير منصة للتعليم الإلكتروني وإدارة التعلم، وكان دوري إني أوصل بين احتياجات البزنس والمستخدمين وفريق التطوير.
ركزت على تنظيم متطلبات المنتج، وتطوير الخصائص، وتحسين تجربة المستخدمين في رحلة التعلم.
ElhamE-Learning Platform
Product Manager / Product Owner
حاليًا أنا Product Manager في Adree، وبشتغل على E+، وهي منصة لتجربة الموظفين داخل الشركات، بتجمع بين الخدمات الداخلية والتواصل والـ Workflows وإمكانيات الذكاء الاصطناعي.
بشتغل على تطوير المنتج وتجهيزه لاحتياجات الشركات، مع التركيز على تحسين التجربة وإضافة إمكانيات جديدة.
AdreeE+حاليًا
Product Manager
اللي بيهمني في إدارة المنتجات مش عدد الخصائص اللي بنضيفها، لكن إننا نكون فاهمين المشكلة، وعارفين ليه بنبني الحل ده، وإزاي هنعرف إنه مفيد فعلًا.— حاتم الفنجري
أربع خطوات بمشي بيها في أي منتج بشتغل عليه.
مش كل طلب من العميل معناه إننا محتاجين نبني Feature جديدة. بحاول أفهم الاحتياج الحقيقي قبل ما نحدد الحل.
دايمًا فيه أفكار ومتطلبات أكتر من الوقت المتاح. دوري إني أساعد الفريق يركز على اللي له قيمة وأولوية فعلية.
المنتج مش شغل شخص واحد. بحب أكون قريب من فرق التطوير والتصميم والبزنس، علشان القرارات تكون واضحة والتنفيذ يمشي بشكل أفضل.
بعد التسليم، مهم نشوف الاستخدام والـ Feedback، ونفهم إيه اللي نجح وإيه اللي محتاج يتحسن.
وبعدين نرجع للخطوة الأولى، بفهم أحسن.
قبل ما نبدأ تطوير، بحاول أفهم المشكلة والفرصة اللي قدامنا، ونحدد إيه اللي يستحق نشتغل عليه، وإيه اللي ممكن نستبعده أو نأجله.
عندي خبرة في إدارة منتجات بتخدم الشركات، والتعامل مع متطلبات مختلفة، وتحديد أولويات التطوير مع مراعاة احتياجات العملاء وأهداف المنتج.
مهتم ببناء منتجات بتستخدم الذكاء الاصطناعي بشكل عملي، سواء من خلال AI Agents أو إضافة إمكانيات ذكية للمنتجات الحالية، بحيث يكون فيه استخدام واضح وقيمة حقيقية.
بحاول أطور نفسي باستمرار في Product Management والذكاء الاصطناعي، وبشارك من وقت للتاني أفكار وتجارب من شغلي.
أكتر المواضيع اللي بهتم بيها حاليًا هي AI Product Management، وProduct Strategy، وإزاي نبني منتجات الناس والشركات محتاجاها فعلًا.
مهتم بالتواصل مع فرق المنتجات والشركات اللي بتشتغل على Enterprise SaaS ومنتجات الذكاء الاصطناعي، وخصوصًا في السوق السعودي.
لو عندك فرصة مناسبة في AI Product Management، أو حابب نتبادل الخبرات، يسعدني نتواصل.